' யார் துணை '

சின்னஞ்சிறு பிள்ளைகளை 

பள்ளி விட்டு செல்வார் ,

இளம் வயதில் மணமுடித்து 

கட்டில் காணச் சொல்வார் ,

உடனிருந்து குழிபறித்து ,

உழைப்பை உறிஞ்சி கொள்வார் .

மாண்டுவிட்ட போது உடலை ,

மண்ணில் புதைத்து விடுவார் .

யாருக்கு யார் துணையென ,

யாரிங்கு சொல்வார் .

ஊருக்கு உறுதுணையாய் ,

பலர் வாழ்ந்து செல்ல ,

பேருக்கு நான் துணையென ,

சிலர் வந்து சொல்வார் .

நூறுக்கு உரிமைகளை 

தாரை வார்த்து செல்வார் .