' "கொரோனா" அலை அல்ல வலை '

உயிரை விலையாக்கி

காற்றிலே விளைகிறது ,

வலி தாங்கும் இதயம் இங்கே

வளி கிடைக்க வழி தேடித் திரிகிறது.

உருவமே இல்லாமல் 

உயிருக்குள் உயிர் வாழ்ந்து ,

உலகத்தை உலுக்க

உலாவிப் பரவிடுது.

இமைக்குள்ளே குடியிருந்து

விழிக்குத் தெரியாத ,

வலிக்கும் தூசியைப் போல்

உறுத்தி உயிர் குடித்து விடும் .

இருமலின் இருப்பிடமாய் , 

தும்மலின் துடிப்பிடமாய் ,

காற்றில் பயணித்து

காயத்தை மாயமாக்க ,

கண்ணாமூச்சி ஆட்டத்தில் 

கண்டறிய முடியாத ,

மக்கள் கடலில் ,

நோயின் அலையில் ,

உயிர் மீனை பிடிக்க

வரிசையில் காத் திருக்கிறது ,

கொரோனா என்னும் கொடிய வலை.